आस्वाद

आस्वाद, तुझ्या येण्याने श्वेतलचं जग नव्या रंगांनी खुललंय,

तिच्या हसण्यात तुझ्या प्रेमाचा गोडवा मिसळलाय.

तू तिची घेतोस काळजी, हे कृतीतून जाणवतं,

आयुष्यभर साथ देशील, हा विश्वास मनात उमटतो. ❤️

आमच्यासाठी श्वेतल फक्त बहीण नाही,

सहा वर्षांच्या प्रेमाची मोजदादच नाही.

दूध-साखरेसारखी आमच्यात मिसळून राहिली,

आमचीच होऊन चेहऱ्यावर हसू फुलवत राहिली.

आमच्यात कधीच अडथळा बनली नाही,

स्वतःची जागा राखून आम्हालाही जागा दिली.

तिची नीटनेटकी सवय, काळजी आणि आपुलकी खास,

म्हणूनच तिला दूर पाठवताना मन होतं उदास.

आमची लुडबुड वाटली तर सांग, संकोच करू नकोस काही,

तुमच्या नात्यात उगाच ढवळाढवळ करण्याची आमची इच्छा नाही.

तुमचं नातं तुमचं आहे; आम्ही सदैव सोबत आहोत,

तुमच्या आनंदातच आमचा आनंद सामावलेला आहे.

जबाबदाऱ्या आल्या की श्वेतल त्या सुंदरपणे निभावेल,

प्रत्येक भूमिका ती मनापासून साकारेल.

पण ती आता रोज आमच्यात आधीसारखी राहणार नाही,

ही जाणीव अजून मनाला पूर्णपणे पटत नाही.

कधी डोळ्यांत पाणी येतं, मनात हुरहूर दाटते,

“आपली श्वेतल दूर जाईल,” ही जाणीव मनाला बोचते.

पण तिचं सुखच आमचं खरं समाधान,

तू तिला जपशील, हा विश्वास अढळ महान.

जबाबदाऱ्यांपूर्वीचे हे दिवस मनसोक्त जगा,

हसा, फिरा, गप्पा मारा, एकमेकांना समजून घ्या.

श्वेतलच्या चेहऱ्यावरचं हसू सदैव खुलत राहो,

तुमच्या आयुष्यात प्रेम-आनंद नांदत राहो. ❤️

तिच्यावरचं आमचं प्रेम कधीच कमी होणार नाही,

ती दूर असली तरी मनाने दूर जाणार नाही.

तुमचं सुंदर जग प्रेमाने जगत राहा,

आधार हवा असेल तर आम्हाला हक्काने हाक मारा. ❤️

😭😭😭😭😭👍🏻👍🏻